《讀者投稿》
話說我睇我老公個whatapp (係我老公面前睇）聽到我99講我個仔塊面點解唔搽花士令Vaseline ，因為本身我仔係敏感加濕疹皮膚，加上依家成日帶口罩又出汗就更加煩，99話如果俾佢湊我個仔就一早斷左尾，無理由到依家4歲啲皮膚仲係咁敏感，又話介紹晒啲3姑六婆用，人地啲孫都斷晒尾，話日日不停同佢搽花士令Vaseline 就會好（我個仔有搽過成塊面腫哂）。
其實佢自己已經幫我叔仔湊緊2件，當佢知道我大肚果一刻，就叫我請個工人俾佢，佢先會幫我湊，我唔同佢同住，搭車要50分鐘先可以到佢屋企。請工人，都係請喺自己屋企啦，聽到我地O晒咀。我跟本無諗過要佢幫我湊，其實由我第一次有BB，到小產，佢啲說話，舉動我已經明白，要自己爭氣，唔好依賴人地，因為唔係老鳳，我明，但係可唔可以唔好干擾我生活？多谢。
＃我的極品四大長老
Search